Erakusketa hau ARn (Haundiagotutako Errealitatean) dago kodifikatuta
Deskarga ezazu Layar aplikazioa zure mugikor edo tabletean eta eskanea ezazu irudia Haundiagotutako Errealitatean dauden eduki gehigarriak ikusteko
Zergatik erakusketa hau
India suspertzen ari den herrialde garrantzitsutzat jotzen dugu gaur egun, ekonomia garatzen hasia delako. ALBOAN elkartean, gure ustez, garapena neurtzeko ezin dira soilik adierazle ekonomikoak erabili, adierazle horiek ez baitute jasotzen planeta honetan bizi den jende askoren errealitatea.
Historikoki, tradizio hinduan ukiezintzat hartutako pertsonen (dalit-en) eta Indiako zenbait estatutako indigenen (adivasi-en) egoera oso bestelakoa da oraindik ere, herrialde horretako gainerako gizarte-mailekin alderatuz gero. Gaur egun, pertsona horiek legez babestuta dauden arren, hezkuntza jasotzeko aukerarik ezaren eta kultura-sustraien ondorioz, pertsona horiek ezin dute bizitza publikoan parte hartu. Eta are gutxiago emakumeak badira; emakumeek diskriminazio bikoitza pairatzen dute: alde batetik, Indiako gizartean berezko tokirik ez duen gizarte-talde batekoak izateagatik eta, bestetik, emakume izateagatik, horrek guztiak dakartzan arazo guztiekin. Izan ere, Indian, emakumeak ez dira beren patuaren jabe ere.
ALBOAN elkartetik, eta Indiako Gujarat eta Tamil Nadu herrietan egindako lanaren bitartez, oro har, mundu osoko eta, bereziki, Indiako komunitate kalteberenen egoera nolakoa den badakigu eta horren berri emateko moduan gaude. Era berean, emakumeen eskubideen egoerarekin lotutako salaketak eta aldarrikapenak egiten dituzten pertsona eta taldeekin bat egiten dugu nazioarteko ekimenetan.
Zer dago
Erakusketa hau Haundiagotutako Errealitatearen (AR) ildotik diseinatu da; beraz, mugikorretarako aplikazio bat deskargatu eta adierazitako markadorea 
eskaneatuz gero, erakusketan lantzen diren gaiak osatzeko eduki, informazio eta baliabide gehigarriak aurkituko dituzu.
Kuboak eta objektuak
Emakumeak Indian,
garapen eragilea
Zure bizitza Indian erakusketaren bigarren zatia da hau; adivasi indigenen errealitatea eta Gujerat eskualdean heziketa jasotzeko aukerak aztertzen dira. Bigarren bertsio honetan, emakumeak herrialde horretan nola bizi diren azaldu nahi dugu, genero-ikuspegitik begiratuta betiere.
Erakusketa hau Haundiagotutako Errealitatearen (AR) ildotik diseinatu da; beraz, mugikorretarako aplikazio bat deskargatu eta adierazitako markadorea eskaneatuz gero, erakusketan lantzen diren gaiak osatzeko eduki, informazio eta baliabide gehigarriak aurkituko dituzu.